ಜಯ ಸಾಲ್ಯಾನ್ - ಲೇಖನಗಳು

ಅಶೋಕ ಸ್ಥoಬದ ಉಗ್ರರೂಪ - ಜಯ ಸಾಲ್ಯಾನ್ ಹೊಸ ಸಂಸತ್ ಭವನದ ಮೇಲೆ ಸ್ಥಾಪಿಸಲು ಸಿದ್ಧಪಡಿಸಲಾದ ರಾಷ್ಟ್ರೀಯ ಬೋಧಚಿಹ್ನೆಯನ್ನು ಸೋಮವಾರ (೧೧/೭/ ೨೦೨೨) ನವದೆಹಲಿಯಲ್ಲಿ ಅನಾವರಣಗೊಳಿಸಲಾಯಿತು. ಸಮಾರಂಭದ ಚಿತ್ರಗಳು ಮತ್ತು ಸುದ್ದಿಗಳು ಪತ್ರಿಕೆಯಲ್ಲಿ ಪ್ರಕಟವಾಗಿದ್ದು ಎಂದಿನಂತೆ ಮೊದಲು ಸಾಮಾಜಿಕ ಜಾಲತಾಣಗಳಲ್ಲಿ, ನಂತರ ವಿವಿಧ ವಾಹಿನಿಗಳಲ್ಲಿ ಗಲಾಟೆ ಎದ್ದಿತ್ತು. ಸಂಸತ್ ಭವನದಲ್ಲಿ ಮೂಲ ಅಶೋಕಸ್ತಂಭ ಮತ್ತು ಹೊಸ ಅಶೋಕಸ್ತಂಭವನ್ನು ಹೋಲಿಸುವ ಛಾಯಾಚಿತ್ರಗಳು ಟ್ವಿಟರ್‌ನಲ್ಲಿ ಹರಿದಾಡಲಾರಂಭಿಸಿದವು. ಮತ್ತು ವಾಟ್ಸಾಪ್ ಗ್ರೂಪ್‌ನಲ್ಲಿ ಮಾತಿಗೆ ಮಾತು, ಬಿಸಿಬಿಸಿ ಚರ್ಚೆಗಳು ನಡೆಯತೊಡಗಿದವು. ವಾಟ್ಸಾಪ್ ಗ್ರೂಪ್ ಗಳಲ್ಲಿ ಯಾವಾಗ್ಲೂ ಆಗೋ ಹಾಗೆ ಇಲ್ಲಿಯೂ ಆಯಿತು. ಕ್ರಮೇಣ, ಎರಡು ಗುಂಪುಗಳಾಗಿ ವಿಭಜನೆಯಾಯಿತು ಮತ್ತು ನಂತರ ಅವರು ಪರಸ್ಪರ ವಿರುದ್ಧವಾಗಿ ವಾದ ವಿವಾದ ತುತ್ತತುದಿಗೇರಿತು ಮತ್ತು ಹೀಗೆ ಇದನ್ನೆಲ್ಲಾ ನೋಡಿದ ಮೇಲೆ ನನ್ನ ಮನಸ್ಸಿನಲ್ಲಿ ಒಂದಿಷ್ಟು ಯೋಚನೆಗಳು ಬಂದು ಪೇಪರ್ ಮೇಲೆ ಬರೆಯದೇ ಇರಲಾಗಲಿಲ್ಲ. 70 ರ ದಶಕದಲ್ಲಿ, ಜೆ. ಜೆ. ಸ್ಕೂಲ್ ಆಫ್ ಆರ್ಟ್‌ನ ಶಿಲ್ಪಕಲಾ ವಿಭಾಗದಲ್ಲಿ ಸಾರನಾಥದ ಅಶೋಕ ಸ್ತಂಭದ ಶಿಲ್ಪದ 18 ಅಡಿ ಎತ್ತರದ ಪ್ರತಿಕೃತಿಯನ್ನು ನಿರ್ಮಿಸಲಾಗಿತ್ತು. ಶಿಲ್ಪಕಲೆಯ ವಿಭಾಗವನ್ನು ಪ್ರವೇಶಿಸಿದಮೇಲೆ, ನಾಲ್ಕು ಬೃಹತ್ ಸಿಂಹಗಳ ಬಿಳಿ ಶಿಲ್ಪಗಳು ಅದರ ಭವ್ಯತೆ ಮತ್ತು ಸೊಗಸಾದ ವಿನ್ಯಾಸದಿಂದ ಅಲ್ಲಿಗೆ ಬಂದ ಎಲ್ಲರ ಗಮನವನ್ನು ...