ಜಯ ಸಾಲ್ಯಾನ್ - ಕವನಗಳು

ದೇವ ನನ್ನಲ್ಲಿ…!!

ನಾನು ದೇವನನ್ನು ಹುಡುಕಲು ಬಯಸಿದ್ದೆ

ಅವನು ಹೇಗಿರಬಹುದೆಂದು ಊಹಿಸಿದ್ದೆ

ಅವನು ನಿರ್ಗುಣ, ನಿರಾಕಾರನೆಂದು ಹಲವು ಬಾರಿ ಕೇಳಿದ್ದೆ

ಆದರೆ ಪ್ರತ್ಯೇಕ ಬೀದಿ ಬದಿಯಲ್ಲಿ ಅವನ  ಅಂಗಡಿ ಮಾಡಲಾಗಿದೆ 

ಅನೇಕ ಬಾರಿ  ಅವನನ್ನು ಬಂಧಿಸಿ ಇಡಲಾದ ಆ ಅಂಗಡಿಗೆ ನಾನು  ಹೋಗಿದ್ದೆ 

ಅವನ ದರ್ಶನ ಪಡೆಯಲು ದೇಣಿಗೆ ಪೆಟ್ಟಿಗೆಯನ್ನು ಇಡಲಾಗಿದೆ 

ನಾನು ಆ ದತ್ತಿಯಲ್ಲಿ ಸ್ವಲ್ಪ ಮೊತ್ತವನ್ನು ಕೆಲವೊಮ್ಮೆ ಹಾಕಿದೆ

ಆದರೂ ಅವನನ್ನು ಭೇಟಿಯಾಗುವ ಅವಕಾಶವನ್ನು ಕಳೆದುಕೊಂಡೆ 

ಪ್ರತಿ ಬಾರಿಯೂ ಭೇಟಿಯಾಗುವ ಬಯಕೆ ಬಯಕೆಯಾಗಿಯೇ ಉಳಿಯುತ್ತಿದೆ

ಮರುದಿನ ಹೊಸ ಹುರುಪಿನೊಂದಿಗೆ ನಾನು ಇನ್ನೊಂದು ಅಂಗಡಿಯನ್ನು ತಲುಪುತ್ತಿದ್ದೆ 

ಹೀಗೆ ಸುತ್ತಾಡುತ್ತಿರುವಾಗ ಒಂದು ದಿನ ರಸ್ತೆಯಲ್ಲಿ ಒಬ್ಬನಿಗೆ ಅಪಘಾತ ಸಂಭವಿಸಿದೆ

ನಾನು ಓಡಿ ಅವನನ್ನು ಆಸ್ಪತ್ರೆಗೆ ಕರೆದುಕೊಂಡು ಹೋದೆ

ಆದ್ದರಿಂದ ಬಹುಶಃ ಆತನ ಜೀವ ಉಳಿಯಿತು

ಪ್ರಜ್ಞೆ ಮರಳಿದ ನಂತರ, ಆತ  ನನ್ನತ್ತ ನೋಡಿ ಮಾತನಾಡಿದ

'ಸರ್, ಮನರ್ವೀಯತೆ ಕಳೆದುಹೋದ ಈ ಜಗತ್ತಿನಲ್ಲಿ ನಿಮ್ಮಲ್ಲಿಯೇ  ದೇವರನ್ನು ಕಂಡೆ'

ದೇವ

ನನ್ನಲ್ಲಿ ….. !!

ನನ್ನ ಒಳಗಣ್ಣು ತೆರೆಯಿತು

ಹೊಕ್ಕುಳು ಕಸ್ತೂರಿ ಪರಿಮಳಹೊಂದಿದ ಹುಚ್ಚು ಜಿಂಕೆಯಂತೆ

ನಾನು ನಮ್ಮೆಲ್ಲರಲ್ಲಿರುವ ಈ ತತ್ವವನ್ನು ಬೀದಿ ಬದಿಯಲ್ಲಿ ಹುಡುಕುತ್ತಿದ್ದೆ

ನನ್ನ ಹುಡುಕಾಟ ಮುಗಿಯಿತು

ನಾನು ಆ ದೇವನನ್ನು ಭೇಟಿಯಾದೆ

- ಜಯ ಸಾಲ್ಯಾನ್ 

ಡಿಸೆಂಬರ್ ಓಡುತ್ತಿದೆ…

ಹಾರದಿಂದ ನಿರಂತರ 

ಒಂದು ಮುತ್ತು ಉದುರುತ್ತಿದೆ...

ದಿನಾಂಕಗಳ ಏಣಿಯಿಂದ

ಡಿಸೆಂಬರ್ ಓಡುತ್ತಿದೆ...

ಮಾಯವಾಯ್ತು ಕೆಲವು ಮುಖಗಳು 

ಸೇರಿಸಿ ಹಲವು ನೆನಪುಗಳು...

ವಯಸ್ಸಿಗೆ ಬಂದ ಹಕ್ಕಿ

ಗಗನದಲ್ಲಿ ಹಾರಿ ಹೋಗುತ್ತಿದೆ...

ತಿಳಿ ಬೆಳಕು ಸೂರ್ಯ

ಮತ್ತು ಕತ್ತಲ ರಾತ್ರಿಯಲ್ಲಿ -

ಕಳೆದ ಕ್ಷಣಗಳಮೇಲೆ 

ಮಂದವಾಗಿ ತೆರೆ ಬೀಳುತ್ತಿದೆ...

ಮಣ್ಣಿನ ದೇಹ

ಮಣ್ಣು ಸೇರುವ ಮುನ್ನ...

ಪ್ರತಿ ಹಂತದಲ್ಲಿ

ಯಾಕಿಷ್ಟು ಕಷ್ಟ ಪಡುತ್ತಿದೆ...

ಅನುಭವಿಸುವ ಮೊದಲೇ 

ಬದುಕು ಜಾರಿ ಹೋಗುತ್ತಿದೆ...

ಒಂದೊಂದು ಕ್ಷಣ

ಮೋಡವಾಗಿ ತೇಲಿ ಹೋಗುತ್ತಿದೆ...

ದಿನಾಂಕಗಳ ಏಣಿಯಿಂದ

ಡಿಸೆಂಬರ್ ಓಡುತ್ತಿದೆ...

- ಜಯ ಸಾಲ್ಯಾನ್